Одамна не сум се сретнал со него. Тој ме потсети кога тоа било последен пат. Тогаш, бил професор во средното медицинско училиште Јане Сандански. Сум го посетувал кога се одржувале квиз натпревари на учениците од средните училишта (тоа веројатно нема да се повтори, кога во салата на тогашното кино Култура немаше каде „ игла да падне“ ).
Симеон Ренџов стана шампион во екипна конкуреција во гимнастика во СФРЈ, во Карловац 1958 година.Го сретнав вчера токму кај мојата куќа. Симеон Ренџов ми потврди дека тогаш со него настапиле и Ѓоше Стефанов, Вукански, и Дацко Симоновски. Симеон Ренџов , исто така ,потврди дека во Македонија , бил повекратен државен првак во повеќе гимнастичарски дисциплини.
Симеон Ренџов е роден 1941 година. Братму на Симеон, Михаил Ренџов познат поет и писател, беше голем гимнастичар. Тој 5 години е повозрасен од Симеон.Но, Симеон ги потврди и резултатите на својот брат.Тој во Марибор, 1955 г.. заедно со Саше Пенушлиски и Стево Илиев, биле екипни државни прваци на СФРЈ.Исто така . Симеон Ренџов го потврди поединечниот резултат на Киро Зрлев , кој го освоил 3 место на Државното првенство во СФРЈ во Зрењанин 1964 г. Во екипна конкуренција. Киро Зрлев и Благој Мијалков на тоа Државно првенство го освоиле 5 место.
„Гимнастиката во Штип почна да паѓа по удолнината откако се сруши старата зграда над Домот на културата и се „пресели“ во ОУ Ванчо Прќе, каде нема услови за развој на гимнастиката . Токму гимнастиката ги „ селектира “ другите спортисти, каде и со кој спорт најдобро треба да се насочуваат, за што е потребно и поголемо вклучување и на професорите по физичко воспитание во училиштата…“- вели Симеон Ренџов
Инаку, за Симеон Ренџов , како педагог, за неговата благородна професија, благодарност , преку ФБ, јавно упати и жена од Црна Гора која во тој период претстојувала во Штип. (Нејзиното име е познато на Редакцијата на Штипски Асови)
Please follow and like us:
