Дејан Митров во континуитет постигнува успешни резултати.Тој на Изборното првенство , што се одржа викендов, во категоријата до 79 килограми го освои првото место. Неговиот сон да учествува на ЛОИ во Лондон не му се испопни. На квалификациониот турнир 2012 во Бугарија го освои третото место, но само првите двајца можеа да патуваат на ЛОИ во Лондон. По освоеното прво место на Изборното првенство на Македонија, Митров почна да размислува и за она што го очекува годинава. А го очекуваат ЕП во Загреб при крајот на месец март, Државното првенство, па Македонски бисер… Митров е реален кога зборува и за евентуалниот настап на СП.
„Пред СП ме очекуваат нови предизвици. Прво ќе учествувам на ЕП во Загреб при крајот на месец март, па на „Македонскиот бисер“, Државното првенство… Ако на овие првенства постигнам добри резултати, тогаш патот до СП ќе ми биде отворен. Се зависи од мене. На СП треба да бидам меѓу петте најдобри во мојата категорија, па да учествувам и на ЛОИ во Париз. Првата шанса ја испупштив на квалификациониот турнир во Бугарија во 2012, ако стигнам до СП годинава во Белград, , верувам дека нема да ја разочарам македонската спортска јавност. Ќе се обидам да ја исполнам олимписката норма и мојот дамнешен сон- да учествувам на ЛОИ во Париз 2024 година. Но, на СП ќе учествувам ако самиот оценам дека сум постигнал и добри резултати на првенствата ,кои годинава ме очекуваат. Јас за тоа сум свесен, но предизвикот е голем…- вели мирниот и скромен штипски боречки репрезентативец.
Дејан Митров , со Балканец го освои Купот на Европската боречка федерација, победувајќи ја екипата на Академик од Бугарија со 4-3. Досега тоа е прв пораз на бугарски шампион од македонска екипа . Дејан Митров е рекордер по освоени државни титули во Македонија, вкупно 16.Беше седуммпати најдобар на „Македонски бисер“, двапати на МИ во Мерсин Турција и Тарагона, Шпанија 2013 и 2О18, . ги освои третите места и бронзените медали на ЕП за кадети и јуниори 2004 и 2007 година во Истанбул и Белград, трет на квалификациониот турнир за ЛОИ во Лондон 2012, втор на Балканското првенство во Лариса , Грција,. Беше најдобар спортист на Македонија 2004 и 2007 ,Најдобар спортист на Штип во сите возрасни категории -пионери , кадети, младинци и сениори.. Осми на СП во Кина, Четирипати е носител на медали од меѓународниот турнир Дан Колов во Бугарија ..
Please follow and like us:
